Марадона опериран поради крварење во стомакот!

Аргентинската фудбалска легенда Диего Марадона закрепнува во болница во операцијата која му била извршена за да се запре внатрешното кварење во пределот на стомакот, потврди неговиот адвокат.

Марадона на почетокот на јануари беше хоспитализиран во Буенос Аирес поради внатрешно крварење, но по рутинскиот преглед неколку часа подоцна ја напушти болницата.

Сепак, во саботата мораше да се оперира за да го запре крварењето, а интервенцијата поминала во најдобар ред.

„Му благодарам на Бог што помина во ред. Сега му следува период на рехабилитација, по што ќе се врати на работата“, изјави неговиот адвокат.