„Манџукиќ не сака да зборува за она што се случи во Јувентус“

Хрватскиот напаѓач Марио Манџукиќ се уште е без клуб.

Манџукиќ се поврзуваше со голем број клубови меѓутоа до сега не успеа да пронајде нов ангажман. Додека чека Хрватот тренира и се одржува во форма.

Сега во медиумите зборуваше агентот на Манџукиќ, Иван Цвјетковиќ.

„Откако замина од Јувентус не дал интервју, не сака да зборува за она што се случи таму. И понатаму добива голем број пораки од навивачи на Јувентус и тоа му годи. Многу е поврзан со навивачите на тој клуб, го паметат како борец кој никогаш не се откажува“, изјави Цвјетковиќ.

Манџукиќ има 34 години и се уште има што да покаже.

„Не знам дали повторно ќе игра во Италија, тој е роден за Премиер лигата, но никогаш не доби вистинска шанса. Сега е 200% спремен“, додаде менаџерот на хрватскиот фудбалер.

За крај тој додаде и дека медиумите го поврзувале со многу клубови со кои во реалноста тој не ни преговарал.