Tренинг со Марио Манџукиќ за поранешниот играч на Баерн, Јан Киркоф не бил баш пријатно доживување.
Киркоф важеше за голема германска надеж, Баерн го доведе во 2013 година од Мајнц и тој требаше да биде некој кој ќе ја држи последната линија, но за негова жалост кариерата не му се развиваше како што очекуваше.
Шанса да станеш YouTuber! Приклучи се! ↓↓↓
Многу брзо Киркоф го напушти Баерн и во меѓувреме заврши во третата лига во Германија во Уердинген. Сега Киркоф се потсети на времето поминато во германскиот шампион.
Една од првите асоцијации му е – Марио Манџукиќ.
„Тренинг натпревар против Манџукиќ значеше болка. Секогаш одеше максимално, кога и да ја исфрлев топката тој ми беше на нога. Не само на мене, на сите дефанзивци им скокогаш на грб, дури и на тренинзите не поднесуваше порази“.
„Јас сум дефанзивец и секој тренинг одеше на мене. Беше тешко да се тренира со него, добивав прилично голем ќотек“.
Се сеќава и дека Гвардиола го забележал тоа.
„Уште се сеќавам на денот кога Гвардиола дојде и му кажа: Марио, можеби би требало да префрлиш во пониска брзина, не биди така агресивен на тренинзите“, се потсети Киркоф.