Манчестер Јунајтед ја брка скапата бразилска ѕвезда

Бразилецот Антони како големо засилување пристигна во Манчестер Јунајтед, но засега е далеку од исполнување на очекувањата.

Тој е означен како едно од најголемите промашувања во историјата на клубот со оглед на сумата која „црвените ѓаволи“ ја платија за него.

Оваа сезона тој запиша само два настапи во Премиер лигата и јасно е дека за него нема место во тимот на „црвените ѓаволи“.

Манчестер Јунајтед сака да се ослободи од Бразилецот, но не може да најде купец поради неговата висока плата и слаба форма.

Поради тоа клубот од „Олд Трафорд“ е спремен да го испрати на позајмица во јануари, а и самиот фудбалер е отворен да ја промени средината.