Трансфер периодот официјално се уште не започна во поголемиот дел од Европа, но повеќето од најголемите клубови најчесто веќе ги направија вистинските работи.
Манчестер Јунајтед во најавите на трансфер периодот е чест гостин во новинарските анализи, но „црвените ѓаволи“ како да го чекаат вистинскиот момент за голема работа. А во исчекување на големите засилувања, на „Олд Трафорд“ би можело да стигне изненадувачко засилување. Имено, како што јавуваат бројни медиуми утрово, на мета на Жозе Мурињо е Мартен де Рон.
Кој ќе биде новиот шампион, Сити или Арсенал? ↓↓↓
Сигурно дека никогаш не сте слушнале ништо за него. Неговиот Мидлсброу испадна од Премиер лигата, а тој беше еден од играчите кои „настапуваа“, а не правеа разлика во корист на својот тим. Беше соледен и ништо повеќе, но Португалецот во него очигледно гледа нешто што другите не го гледаат.
Има 26 години, а во текот на кариерата ги носеше дресовите на Спарта Ротердам, Херенвен и Аталанта. Неговата цена е десет милиони фунти, а откако беше објавена веста дека за него е заинтересиран најтрофејниот англиски клуб, имаше бројни реакции од навивачите на Јунајтед, но и од другите клубови.
Во суштина, негативни. Можеше да се прочитаат коментари дека сите сакаат големи имиња кои се докажани играчи, а не вакви фудбалер. Ќе видиме, Мурињо досега знаеше да погоди, а можеби искусниот Холанѓанец е неговиот нов голем проект.