Манасков го избра својот дрим тим

Сите ракометари на Веспрем имаат интересна задача пред стартот на Европското првенство. Па така и Дејан Манасков, го одбра својот дрим тим, кој содржи и активни и пензионирани ракометари.

Македонскиот репрезентативец во дресот на Веспрем, Дејан Манасков во својот идеален тим избра свои поранешни или актуелни клупски колеги. Во избраниот состав на Манасков се двајцата вардарци – Арпад Штербик и Тимур Дибиров, потоа, Патрик Грецки и Хендрик Пекелер со кои играше заедно во Рајн Некар Левен. Најдобар среден бек е Ивано Балиќ со кого ја делеше соблекувалната во неговата последна сезона во Вецлар. А, на две позиции се двајца негови клупски колеги од Веспрем – Ласло Наѓ и Момир Илиќ.