Малдини сака уште една ѕвезда на Челзи

Милан минатата година го доведе Факијо Томори од Челзи и тој трансфер се покажа како вистински погодок за „росонерите“ бидејќи се етаблираше во еден од најдобрите дефанзивеци во Серија А.

Италијанските медиуми пренесуваат дека Малдини сега е заинтересиран за уште еден дефанзивец на Челзи, а станува збор за Андреас Кристенсен.

Челзи не може да се договори со Кристенсен за нов договор и преговорите се во застој во моментов. Неговиот договор со „сините“ истекува во јуни 2022 година и тој веќе во јануари ќе биде слободен да преговара со други клубови.

Милан сака да ја искористи таквата ситуација, но треба да ја победи конкуренцијата бидејќи дефанзивецот е на мета на многу европски гиганти.

Наводно неговиот сонародник Симон Кјаер веќе почнал да го убедува Кристенсен да ја прифати понудата на Милан.