„Македонија е во фаза на создвање нова физиономија, главната цел на овој тим е да бидеме конкурентни за Евро 2024“

Македонија се уште е во игра за пласман на Светското првенство, но за селекторот ова е и можност за што подобро воигрување на тимот.

„Ние имаме јасна цел и визија, сме во една фаза на создавање на нова физиономија. Сакаме да имаме конкурентен тим во квлификациите за Евро 2024 во Германија. Се до тогаш ќе искористиме за да изгледаме што подобро. Во овој момент имаме склоп на младост и искуство, поддршката од публиката секако ни помага за да ги оствариме зцртаните цели“, потенцираше Милевски на денешната прес-конференција.

Ќе потсетиме, натпреварот со Германија се игра утре со почеток во 20:45 часот.

Фото: ФФМ