Поранешниот англиски репрезентативец потпиша за Лутон

Новajлиите во Премиер лигата често пати има големи проблеми по влегувањето во елитата, а Лутон не е исклучок.

Клубот од поширокото лондонско подрачје се наоѓа на 17. позиција на табелата со четири бода, па сегашната репрезентативна пауза ја искористи да се заси со звучно име.

Лутон го потврди доаѓањето на Андрос Таунсенд (32), кој потпиша краткорочен договор со клубот до крајот на календарската година.

Таунсенд најголемиот дел од својата кариера како фудбалер го помина во Тотенхем, кој го испраќаше на позајмици во повеќе клкубови во Англија, а во еден момент заработи и повик во репрезентацијата на Англија со добрите настапи во Спарс.

Под водство на Рој Хоџсон одигра 13 натпревари и постигна три гола, но во меѓувреме следуваше пад во неговата кариера, па по Тотенхем играше за Њукасл, Кристал Палас и Евертон од кои си замина минатото лето.

По три месеци без клуб и проблеми со повреди, ќе добие уште една шанса во Премиер лигата.

Welcome @andros_townsend! ✍️

— Luton Town FC (@LutonTown) October 11, 2023