Лука Тони: Интер заврши одлична работа со Џеко, тоа е напаѓач кој секој би го посакал

Eдин Џеко вчера одигра уште еден одличен натпревар за Интер и со два гола ја обезбеди победата на „нероаѕурите“ против Шахтјор.

Интер го продаде Лукаку во Манчестер Јунајтед. Луѓето задолжени за спортската политика на клубот го доведоа Џеко како негов наследник и не погрешија. За Џеко стигнуваат пофалби од многу страни.

Последен во низата кои со пофалби зборуваа за Џеко е Лука Тони.

„Повторно Џеко одигра одличен натпревар и доминираше. Уште во првото полувреме имаше неколку добри прилики, а потоа во вториот дел и реализираше. Ми се допаѓа како игра Интер, беа одлични во текот на целиот меч“.

„Клубот мора да се пофали. Одработија одлична работи со продажбата на Лукаку. Заработија пари, а потоа го доведоа Џеко и не загубија на квалитет. Станува збор за напаѓач кој секој би го посакал“, изјави Лука Тони.

Џеко за Интер сезонава во сите натпреварувања одигра 19 натпревари, постигна 10 гола и забележа три асистенции.