„Лудакот“ го тужи Лил – бара 18 милиони евра отштета

Искусниот аргентински стратег, Марсело Биелска одличи да го тужи својот поранешен клуб, Лил.

„Лудакот“ од Лил, кој во ноември му врачи отказ, бара отштета од 18,6 милиони евра. Како што пренесува „Екип“, во тужбата образложил дека на име на плата му припаѓаат 13,6 милиони евра, додека 5 милиони евра бара како штета нанесена со отказот.

Биелса со Лил имаше двегодишен договор, а беше отпуштен кога без дозвола на клубот отпатувал во Чиле.

Првото рочиште по тужбата на Биелса е закажано за 6-ти февруари.