Лоши вести за Уругвај – Кавани аут против Франција

Едисон Кавани нема да успее да се рехабилитира од повредата и ќе го пропушти четвртфиналниот меч против Франција, информира еминентниот „Екип“.

Кавани се здоби со повреда на мускулот за време на осминафиналниот натпревар против Португалија, на кој со два гола му донесе победа на Уругвај.

Напаѓачот беше оптимист дека ќе може да се опорави до петок и да биде во стартниот состав против Франција, но последните информации го говорат спротивното.

„Матадорот“ се уште има оток и не тренира со остатокот од тимот, па готово сигурно нема да може да игра на мечот против Франција.

Францускиот весник „Екип“ пренесува дека во најдобро сценарио може да се најде на клупата за резерви.