Лоши вести за „старата дама“ – еве колку ќе отсуствува Пјаниќ

Актуелниот шампион Јувентус нема да може да смета на еден од најдобрите поединци Миралем Пјаниќ најмалку еден месец, пренесоа италијанските медиуми.

Пјаниќ се повреди на загревањето на мечот од Лигата на шампиони против Олимпијакос.

Лекарскиот тим на „бјанконерите“ веднаш потврди дека станува збор за кинење на мускулот, а сега докторот на босанската репрезентација откри колку време ќе биде надвор од терените.

„Разговаравме со лекарите од Јувентус и ни кажаа дека Пјаниќ има исекотина од 2 степен, што значи ќе мора да паузира две до три недели“, изјави репрезентативниот лекар.

Тоа значи дека Пјаниќ покрај натпреварот овој викенд против Аталанта ќе ги пропушти и репрезентативните дуели против Белгија и Естонија.