Ливерпул со пресврт против Бурнемоут им се врати на победите (ВИДЕО)

Денес во рамките од 29. коло во Премиер лигата својот натпревар го одиграа Ливерпул и Бурнемоут.

Ливерпул денес конечно им се врати на победите и излезе од мини кризата во која беше изминатиот период.

И денес работите не започнаа добро за тимот на Клоп. Бурнемоут преку Вилсон стигна до водство уште во 9. минута. Од тој момент Ливерпул тргна по офанзивно кон противничкиот гол.

Таквата игра на „црвените“ им се исплатеше во 25. минута кога после една грешка во одбраната на гостите, Мане освои топка, додаде до Салах кој погоди за изедначување. Само четири минути подоцна Ливерпул целосно го сврте резултатот во своја корист, а стрелец на голот беше Мане.

Во вториот дел голови не видовме, па Ливерпул ги освои трите бода и дојде чекор поблиску и до математичко обезбедување на титулата во Премиер лигата.