Легендарниот Фернандо Алонсо и на 41 година не размислува за пензија: Годините се само бројка…

Легендарниот шпански возач Фернандо Алонсо вози во Формула 1, иако има 41 година, а неодамна потпиша и повеќегодишен договор со Астон Мартин.

Шпанецот реши да го напушти Алпин затоа што сака да се бори за подобар пласман, а не да биде втор возач.

„Јас сум човек кој дава 100 отсто од себе, се обидувам да ги поразам сите квалитети на противникот. Не е само до тркањето, туку треба да го неутрализирате противникот. Искуството кое го имам, ми помага многу.

Свесен сум за сите работи. Важно е како ќе настапувате за време на викендите. Можеби во 2018 година бев психички истрошен, па затоа ми беше потребна пауза од две години, но сега сум целосно посветен на спортот“, кажа Алонсо.