Леброн: Голден Стејт има подобри поединци

Леброн Џејмс, најдобриот кошаркар на денешницата изјави дека нивниот противник Голден Стејт има подобри играчи отколку неговиот Кливленд.

Вориорсите во овој момент водат со 3:0 во серијата во големото финале во НБА лигата и во ноќта помеѓу петок и сабота имаа прилика да го прослават шампионскиот прстен.

Леброн во пресрет на оваа средба истакна дека противникот има подобри поединци.

„Ако ја споредите петорката на Голден Стејт со нашите, сигурно ќе кажете дека тие се подобри. Да бидеме искрени, имаат подобри играчи. Имаат два МВП играчи, имате некој каков што е Клеј кој лесно може да се носи со било кој тим, а го имате и Дрејмод Грин кој е еден од најдобрите дефанзивци во НБА лигата“, јасен беше Леброн.