Леброн бесен на соиграчите: Не сакате да бидете во моја близина кога ќе го изгубам трпението, сериозен сум!

Лос Анџелес Лејкерси беше поразен од Минесота со 120:124 и тоа им беше петти пораз во седмиот натпревар.

Поради ваквата ситуација Леброн изгледа го губи трпението.

„Подобро да не сте ми во близина кога ќе го изгубам трпение“, беснеел Леброн на соиграчите после петтиот пораз во седум натпревари.

Лејкерси во понеделникот изгубија 120:124 од Минесота, а Леброн е се подалеку од целта за која стигна во „градот на анѓелите“.

Иако знаеше дека го напушта искусниот тим на Кливленд поради младата екипа на Лејкерси, изгледа дека Џејмс сега не е баш среќен од изборот кој го направил.

„Не можам секогаш да повторувам исти работи. Ако секогаш правиме исто, секогаш губиме, тоа е лудост. Мораме подобро, не смееме да ги повторуваме истите грешки. Не би сакале да бидате во моја близина кога ќе го изгубам трпението. Сериозен сум“, им се обратил Леброн на соиграчите.