Лазаров: Сонувам полуфинале и медал на големо натпреварување

Maкедонската ракометна легенда Кирил Лазаров верува дека во иднина Македонија може да се бори за медал на неое големо натпреварување.

Во овој момент Лазаров има двојна улога во националниот тим као селектор и капитен на теренот.

„За тренерската работа се подготвувам подолго време. Во овој момент репрезентацијата е во фаза на транзиција, смена на генерации. Не чека многу работа, целта е да се создаде една нова генерација. Предизвикот е да се обидеме да направиме нешто квалитетно за кое ќе слушне Европа. Немаме преголем материјал, но верувам дека можеме и на овој начин кога многумина не отпишаа. Се зборуваше дека после мојата генерација нема да има ракомет во Македонија. Сакаме да покажеме дека не е така“.

Лазаров е оптимист и сака да освои медал со Македонија на голем турнир.

„Сакаме да бидеме конкурентни, секако дека нашиот сон е полуфинале и медал. Може да биде потребно време да се средат работите, но ако не верував во оваа репрезентација немаше да се нафатам на овој предизвик“, изјави Лазаров.