Кутињо ја разгледуваше Барселона со семејството, па остана без автомобил (ФОТО)

Барселона утре во Лондон игра против Челзи во првиот меч од осминафиналето во Лигата на шампионите, а Ернесто Валверде нема да може да смета на Филипе Кутињо.

Бразилскиот фудбалер стигна изминатиот месец во Барселона како големо засилување, но нема да има право да настапува оваа сезона во ЛШ, бидејќи веќе играше за Ливерпул во ова натпреварување во првиот дел од сезоната. Кутињо е принуден да го бодри утре својот тим преку малите екрани.

Кутињо ја искористи оваа шанса да помине повеќе време со своето семејство, со оглед на тоа дека не отпатува со екипата во Лондон. Бразилецот ги разгледуваше познатите туристички места во Барселона, на наиде на голема непријатност.

По разгледувањето на Саград-Фамилије, фудбалерот на Барселона сфати дека му го нема автомобилот. Првично помислил дека е украден, но набрзо му објасниле дека непрописно се паркирал и дека „пајак“ службата го презела неговиот автомобил, па мора да плати казна.