Кутињо го избра Арсенал

Едно од најлошите засилувања во историјата на Барселона, Филипе Кутињо готово сигурно ќе го напушти „Камп Ноу“ во зимскиот преоден рок.

Според шпанските медиуми, Кутињо не е во плановите на новиот тренер на Барселона Чави и се поизвесно е дека овој јануари ќе го напушти „Камп Ноу“.

Барселона го купи Кутињо 120 милиони евра, но Бразилецот никогаш не ги оправда очекувањата, а Барселона сега сака да се ослободи од неговата висока плата.

Интерес за Кутињо покажуваат неколку клубови, а шпанските медиуми пренесуваат дека Бразилецот го избрал Арсенал.

Арсенал сака да го ангажира на позајмица со можност за откуп на крајот на сезоната, а двете страни се блиску до договор.