Конте го „краде“ дефанзивецот на Челзи

Антонио Конте денес и официјално седна на клупата на Тотенхем и го сака дефанзивецот од градскиот ривал Челзи.

Челзи не може да се договори со Кристенсен за нов договор и преговорите се во застој во моментов. Во исто време, Данецот сака да остане во Премиер лигата.

Неговиот договор со „сините“ истекува во јуни 2022 година и тој веќе во јануари ќе биде слободен да преговара со други клубови.

Конте одлично го познава дефанзивецот и сака да ја искористи можноста да го донесе во Тотенхем без обештетување.

Кристенсен потекнува од школата на Челзи и е во првиот тим од 2014 година, па ваков трансфер сигурно навивачите нема да му простат.