Коларов и Интер се договорија, трансферот пред реализација

Италијанските медиуми пренесуваат дека Интер постигнал договор со левиот бек на Рома, Александар Коларов.

Конте го сака искусниот фудбалер бидејќи може да игра како лев бек, но и како стопер во формација со тројца дефанзивци.

Коларов влегува во последната година од договорот со Рома во која пристигна во 2017 година од Манчестер Сити, па веќе се договорил со „нероаѕурите“.

Сега останува уште двата клуба да најдат заеднички јазик за трансферот, но Рома нема да му стои на патот и сака да се ослобиди од Србинот.

34-годишниот Србин има големо искуство и Конте смета дека би бил идеален за неговата формација 3-5-2.