Клазулата на Малком е вистинска „ситница“, може ли на Барселона да и се повтори нов „Нејмар“?

Бразилецот кој беше најголемата „кражба“ на фудбалер во последно време, започна со тренинзите во Барселона.

Барселона ги изненади сите кога го ангажираше десното крило на Бордо, Малком. Се очекуваше Бразилецот да ја засили Рома, се беше договорено помеѓу клубовите, но во „5 до 12“ се појави Барселона и го „украде“, Малком од „пред носот“ на Рома.

Малком беше претставен пред медиумите како нов фудбалер на актуелниот шампион на Шпанија, изјави дека е среќен што доаѓа во така голем клуб и како и дека ќе има прилика да игра според него најдобриот фудбалер во светот, Лионел Меси.

Bem-vindo ???
?❤ #EnjoyMalcom pic.twitter.com/Ylae92k3WJ

— FC Barcelona (@FCBarcelona) July 27, 2018

Покрај претставувањето во медиумите се појави и вест дека Малком во договорот има откупна клазула од 180 милион иевра.

Познато е дека Барса и Реал ставаат атрономски клазули во договорите на своите играчи со цел да ги одбијат заинтересираните страни, но 180 милиони во денешниот фудбал не е сума која не може да се плати.

Всушност, Барселона тоа најдобро го знае во случајот на Нејмар кој премина во ПСЖ за 222 милиони евра.