Кладилниците секогаш знаат повеќе: Кој е фаворит за нов тренер на Реал Мадрид?

Зинедин Зидан веројатно следната сезона нема да го предводи Реал Мадрид.

Лошите резултати во оваа сезона ја загрозија позицијата на Зидан и многу веројатно е дека францускиот стручњак ќе го напушти клубот.

Шпанските медиуми веќе лицитираат со имиња за негов наследник, а според кладилниците најголем фаворит е Масимилијано Алегри.

Коефициентот за италијанскиот стручњак е 4.00, а зад него се два поранешни играчи на Реал Мадрид.

Тоа се Раул и Гути. Првиот е со коефициент од 5.00 додека за Гути изнесува 7.00.

Алегри веќе наводно ја одбил Рома поради Реал Мадрид и лесно може да се случи искусниот Италијанец да седне на кормилото на Кралевите.