Кимих призна: Ако не си заминеше Анчелоти од Баерн, јас ќе си заминев

Фудбалерот на Баерн Минхен, Џошуа Кимих откри дека во сезоната 2016/2017 размислувал да си замине од Баерн Минхен затоа што не бил во прв план кај Карло Анчелоти кој во тој период го водеше Баерн.

Кимих во Баерн е од 2015 година, но кога Анчелоти беше тренер на Баерн тој не беше стандарден. Сега призна дека во тој период размислувал да си замине.

„Не играв колку што сакам и размислував да заминам. Меѓутоа тогаш си замина Анчелоти, ако не си заминеше тој ќе си заминев јас. Кога си замина повторно станав стандарден првотиме, освоивме се и повеќе не размислував на заминување“, изјави Кимих.

Сениорската кариера Кимих ја започна во редовите на Лајпциг во 2013 година, а Баерн е само неговиот втор тим, актуелниот договор му важи до 2025 година.