Кварезма прави изненадувачки трансфер и тоа надвор од Европа

Порано се сметаше за поголем талент од Кристијано Роналдо, но Рикардо Кварезма засекогаш ќе биде запаметен како еден од оние фудбалери кои никогаш не блеснале во полн сјај.

30-годишниот крилен играч од ова лето игра за Касимпаса, после не така убавата разделба со претходниот клуб Бешикташ, чиј дрес го носеше четири сезони.

Според португалските медиуми, Кварезма го делат само детали од потписот за бразилскиот Сантос. Еден од клучните луѓе кој го иницираше овој трансфер е новиот тренер на бразилскиот великан Фереира.

Трансферот треба да се реализира без обештетување, бидејќи неговиот договор со Касимпас истекува летоска.