Каталонските медиуми цинични: „Класика“

Реал Мадрид во изминатата вечер ремизираше против Баерн Минхен (2:2) и со вкупни 4:3 се пласираше во финалето кое ќе се игра во Киев.

И во двата натпревари може да се каже дека Реал Мадрид имаше среќа, Баерн беше подобар противник во двата натпревари. Сепак, двете големи грешки во одбраната (Рафиња во Минхен и Улреих во Мадрид) Баварците ги „платија“ со финале.

Дел од спортските медиуми отворено се поделени на Реал и Барселона. „Марка“ и „Ас“ се наклонети на клубот од Мадрид, додека „Спорт“ и „Мундо Депортиво“ ја следат Барселона.

Во моментите кога медиумите наклонети на Реал ги креваат до небо, каталонските медиуми се прилично цинични.

Така „Мундо Депортиво“ си поигра со зборовите и место „Ел Класико“, објави наслов „Ун Класико“ што во превод значи „класика“. Секако алудиријаки на тоа дека Реал имал судиска помош против Баерн (најмногу се мисли на играњето со рака на Марсело).

„Спорт“ од друга страна излезе со наслов „Аси, аси, аси, гана ел Мадрид“, односно „Вака победува Мадрид. Ист така додадени се фотографии од двете според нив клучни ситуации. Играњето на рака со Марсело, поклонот од „Улреихт“.