Каде што застана во Јуве, продолжува во Интер: Марота има листа од пет слободни агенти

Она што го правеше во Торино Бепе Марота го продолжува во Интер, тоа е неговиот рецепт за успех.

Јувентус во изминатата деценија доведе голем број играчи без оштета. Марота стана вистински мајстор за доведување на слободни агенти и таа навика сака да ја практикува и во Интер.

Минатото лето Годин пристигна бесплатно од Атлетико како големо засилување, а повеќе од Марота се очекува во наредниот преоден рок.

Наводно веќе составил листа од пет фудбалери кои остануваат без договор. Првото и најзвучно е Кристијан Ериксен, играч кој многу клубови ќе сакаат да го доведат во своите редови, неговиот договор истекува на лето. Соиграчот на Ериксен, Вертонген е во иста позиција и Конте покажал интерес за него затоа што е фудбалер кој е навикнат да игра со тројца во последната линија.

Интер има проблеми со страничните позиции и на тие позиции Мение и Курзава од ПСЖ ќе бидат слободни. Вториот кој игра по левата страна би требало да биде приоритет.

И на крајот, Дрис Мертенс. Некои медиуми пишуваат дека со него работата е скоро завршена. Белгиецот наводно прифатил плата од шест милини евра по сезона. Интер за него е подобра опција од Кина од каде што се поврзуваше со неколку клубови. Од друга страна останување во Наполи после се што се случуваше тешко може да се очекува.