Се поголем е бројот на кошаркари кои се позитивни на коронавирусот.
Кевин Дурант вечера вечер ги доби резултатите од тестирањето на коронавирусот и неговиот тест е позитивен со што стана седмиот НБА кошаркар кој е заразен.
Претходно Бруклин Нетс објави дека четворица нивни кошаркари се заразени со коронавируост, меѓу нив значи е и Дурант.
Дурант бил тестиран во саботата, а резултатите ги добил дури вчера вечер.
„Се чувствувам добро. Бидете внимателни, внимавајте на себе и одете во карантин. Ќе поминеме заедно низ ова“, напиша Дурант.
Дурант беше неактивен цела сезона додека се опоравуваше од повредата на Ахиловата тетива со која се здоби во финалето на НБА лигата минатото лето, а сезоната во НБА во овој момент е прекината поради пандемијата на коронавирусот и прашање е кога ќе се продолжи.
Учество во игри на среќа е дозволено за лица со 18+ години. Играј одговорно!