И Зидан ја коментираше победата на Реал од 31:0 во детските категории

Генерацијата на Реал Мадрид до девет години славеше против Вилаверде со неверојатни 31:0.

Овој натпревар беше одигран за викендот, а резултатот предизвика бес кај противникот кој смета дека во младинските категории не треба на овој начин да се понижува противникот. Во Вилаверде сметаат дека Реал требало застане кога се било решено.

Целата ситуација сега ја коментираше и Зинедин Зидан.

„Лошо е да се прими 31 гол, но не може тренерот да му каже на својот тим да не напаѓа. Ваквите работи се случуваат во фудбалот. Ваквите проблеми треба да ги реши федерацијата. Пример, во кошарката во младинските категории ако некој тим води со 50 разлика натпреварот завршува. Нешто слично треба да се примени и во фудбалот“, изјави Зидан.