Италија не ни помогна: Ремизираше со Шведска во натпревар со 14 голови

Футсал репрезентацијата на Македонија немаше среќа да стигна до елитната фаза од квалификациите за Мундијалот затоа штто вечерва Италија која беше фаворит одигра само реми со Шведска.

Натпреварот донесе 14 голови, а резултатот на крајот беше 7:7. На нас ни беше потребна победа на Италијанците поради послабиот меѓусебен дуел со Шведска. Во второто коло изгубивме од Шведска со 2:5, додека пред три дена победивме со 3:1.

За Шведска на овој натпревар Содерквист постигна хет-трик, Гаши додаде два, а по еден псотигнаа Диаз и Хисени. За Италијанците по два гола постигнаа Марсело, Мусумечи и Исгро, еднаш во листата на стрелци се запиша Јансон.

Македонија квалификациите ги заврши со четири бода и со ист број на бодови со Шведска сме последни, додека Италија е прва со осум освоени бодови.