Италија изненадувачки и до злато на штафетата 4×100 метри!

Продолжува одличната спортска година за Италија, Италијанците во Токио се победници и во штафетата четири пати по 100 метри.

Предводени од шампионот на 100 метри Марсел Ламонд Џејкобс Италија изненади и дојде до златото. Херојот беше Филипо Торту кој во последната измена во финишот го престигна Нетенил Мичел-Белјк од Велика Британија.

Ова е прво штафетно злато во историјата на Италија и до него дојдоа со време од 37.50 секунди. Бронзата ја освоија Канаѓаните.