Историска одлука: Милан и Интер градат заеднички стадион, „Сан Сиро“ ќе се руши!

Милан и Интер работат на заеднички проект за изградба на нов стадион, кој ќе биде еден од најмодерните во Европа, пренесуваат италијанските медуми.

Новиот стадион, кој ќе биде во заедничка сопственост на двата клуба, ќе биде изграден во непосредна близина на „Сан Сиро“, а би требало да биде готов во 2023 година.

Проектот е веќе одобрен од советот на општината во Милано, па се чека само зелено светло од раководството на Интер за да се стартува со изградбата.

Новиот стадион ќе ги чини двата клуба 600.000 милиони евра, ќе биде со капацитет од нешто повеќе од 60.000 места и ќе започне да се гради веднаш до „Сан Сиро“, на местото каде што сега има паркинг.

According to Repubblica, Inter and Milan have decided to build a new stadium together rather than renovate the San Siro. The only thing missing is the final confirmation to the city of Milan. pic.twitter.com/EVnukfHZTU

— Milan Eye (@MilanEye) March 4, 2019

Интересно, веднаш после изградбата на новиот стадион донесена е одлука „Сан Сиро“ да биде срушен, а на тоа место ќе биде изграден шопинг центар и клупски простории за двата клуба.

„Република“ пренесува дека стадионот во Милано ќе биде еден од најмодерните во Европа и во негов склоп ќе има магазини, ресторани како и музејски простории за двата клуба.

Стадионот на Милан и Интер ќе биде изграден по примерот на „МетЛајф“ стадионот во Њујорк и „Мерцедес Арена“ во Аталнта. Двата клуба веќе се во преговори со неколку компании кои сакаат да го купат името на стадионот.

The ultramodern stadiums visited are the MetLife stadium in New York and the Mercedes Benz Arena in Atlanta, Which has the largest retractable rooftop in the world. The MetLife stadium is managed by 2 clubs, a model for the future San Siro

— Milan Eye (@MilanEye) March 4, 2019

Милан и Интер играат на стадионот „Сан Сиро“ кој е во сопственост на општината и плаќаат кирија, па поради тоа имаат и мала заработка. Италијанските медиуми пренесуваат дека двата клуба годишно од стадионот заработуваат по околу 30 милиони евра, а проценките се дека со новиот стадион ќе заработуваат по 70 до 80 милиони евра.