Иско може да го напушти Реал, но ќе остане во Шпанија?

Фудбалерот на Реал Мадрид Иско многу веројатно ќе ги напушти „кралевите“, но според последните информации ќе остане во Шпанија.

Наводно голем интерес за Иско покажала Севиља каде што повторно би работел со тренерот Лопетеги. Сепак, овој трансфер би можел да се реализира во лето, а не во јануари.

Информацијата за неговото заминување во Севиља на крајот од сезоната ја објави реномираниот „АС“. Договорот на Иско со Реал истекува во 2022 година, се шпекулира дека Севиља за Иско може да плати сума помеѓу 15 и 20 милиони евра.