Иниеста ќе започне од клупата, Валверде со една дилема пред „Ел Класико“

Утре на програмата во шпанското првенство е големото дерби помеѓу Барселона и Реал Мадрид, а според шпанските медиуми Ернесто Валверде има една дилема пред оваа средба.

Барселона го пречекува Реал Мадрид, иако ова е натпревар без резултатско значење сепак јасно е дека желбата да се победи најголемиот ривал секогаш е присутна.

Андрес Иниеста за кого ова е последно „Ел Класико“ најверојатно ќе биде оставен на клупата за резерви, а Валверде има дилема за позицијата покрај десната аут линија – Паулињо или Дембеле?

Фелипе Кутињо се очекува да игра на левата страна место Иниеста, остатокот на тимот е познат, а останува да се види дали Валверде ќе се одлучи шанса да му даде на Бразилецот како во првото „Ел Класико“ оваа сезона вили пак ќе започне со Осман Дембеле.

Натпреварот помеѓу Барселона и Реал Мадрид се игра утре со почеток во 20:45 часот.