Иконата на Јувентус призна дека навивал за Милан!

Еден од легендарните играчи на Јувентус, Џорџо Киелини јавно призна дека пред да потпише за „старата дама“ навивал за Милан.

Со оглед на фактот дека ривалитетот помеѓу Милан и Јувентус е огромен во Италија, многу е веројатно навивачите да му се налутат на дефанзивецот.

Имено, Киелини во една телевизиска емисија призна дека како дете навивал за Милан и дека негов идол е Паоло Малдини.

„Јас како дете навивав за Милан, а мојот брат близнак за Јувентус. Идол ми беше Паоло Малдини. Кога ме повика Јувентус играв за Ливерно“, призна Киелини.

„Сепак, јас го сакам клубот за кој играм и мислам дека Јуве е голем чекор во мојата кариера. Исто случај ќе беше и да потпишев за Интер или Милан“, заклучи дефанзивецот.

Дербито помеѓу Јувентус и Милан на програмата е овој викенд, но Киелини најверојатно ќе го пропушти поради повреда.