Изненадување: Јувентус експресно го избра новиот тренер!

На Јувентус не му требаше долго време да го именува наследникот на Маурицио Сари.

Сари од денес попладне и официјално не е тренер на Јувентус откако доби отказ по елиминацијата од Лион во Лигата на шампионите, а раководството на „старата дама“ тргна во потрага по негов наследник.

Она што го најавуваа новинарите од попладнево вечерва го потврди Јувентус – Андреа Пирло е именуван за прв тренер.

Пирло неодамна беше именуван за прв тренер на У23 тимот, меѓутоа сега експресно е прекомандуван во првиот тим.

За поранешниот играч за врска кој во Јувентус настапуваше од 2011 до 2015 година ова ќе биде прв тренерски ангажман во кариерата.