Изненадување: Манчестер Јунајтед испрати понуда за Роналдо

Шпанскиот медиум „Дон Балон“ денес лансираше вистинска „бомба“ и пренесува дека Кристиано Роналдо може да се врати на „Олд Трафорд“.

Медиумот пренесува дека Манчестер Јунајтед понудил 60 милиони евра за потписот на Роналдо.

„Црвените ѓаволи“ веруваат дека тоа е одлична понуда во време на криза и со оглед на фактот дека Роналдо е веќе во поодминати фудбалски години.

Од неодамна се појавија шпекулации дека Јувентус е спремен да го продаде Роналдо за да се ослободи од неговата висока плата.

Сепак, тешко е да се поверува дека ваков трансфер е можен на среде сезона кога Јувентус е во трка за сите трофеи.

Сепак, медиумот не ја исклучува можноста дека трансферот може да се реализира на лето.