Изненадување: Игуаин се враќа во Шпанија

Гонзало Игуаин после неуспешната година во Милан и Челзи се врати во Јувентус и оваа сезона повторно игра важна улога кај „бјанконерите“.

Меѓутоа, неговата иднина во Торино е неизвесна, а шпанските медиуми пренесуваат дека на лето би можел да се врати во Примера, каде се етаблираше во еден од најдобрите напаѓачи во дресот на Реал Мадрид.

„Марка“ пренесува дека силен интерес за него покажува Атлетик Билбао. Интересно, Пипита има право да игра за баскискиот клуб, бидејќи неговиот прадедо е Баскиец кој емигрирал во Аргентина.

Инаку Игуаин има француско и аргентинско државјанство бидејќи е роден во Франција (Брест), каде играл фудбал неговиот татко.

Таткото на Игуаин исто така во неколку наврати има напоменато дека е горд на своето баскиско потеко, па нема да биде чудно ако Гонзало се пресели на „Сан Мамеш“.

Сепак, Билбао е заинтересиран да го донесе Игуаин како слободен агент откако ќе му заврши договорот со Јувентус кој истекува во јуни 2021 година.