Полската тенисерка Ига Швионтек е прогласена за најдобра спортистка во Европа на 65. натпревар организиран од Полската новинска агенција (ПАП), на кој учествуваа 20 новински агенции од Европа.
Младата полска тенисерка во изминатите 12 месеци освои осум турнири, меѓу кои УС Опен и Ролан Гарос, а од април е број еден во светот.
Кој ќе биде новиот шампион, Сити или Арсенал? ↓↓↓
Во изборот таа славеше со 118 поени, на второто место е шведскиот атлетичар Арманд Дуплантис (106 поени), а трет е холандскиот Формула 1 возач Макс Верстапен (82 поени).
Следат шпанските тенисери Карлос Алкараз (76 поени) и Рафаел Надал (66), францускиот фудбалер Килијан Мбапе (55), норвешкиот биатлонец Јоханес Тингнес Бе (50), норвешката крос-кантри скијачка Тереза Јохауг (42), романската пливачка Давид Поповиќи (37) и данскиот велосипедист Јонас Винегор (33).
Секоја агенција состави своја топ десет листа, а гласови добија вкупно 58 спортисти – 42 мажи и 16 жени.
Рекордот го држи Швајцарецот Роџер Федерер со пет победи, а една помалку има Новак Ѓоковиќ. Советскиот скокач во височина Валери Брумел и легендарниот Михаел Шумахер славеа по три пати.
Учество во игри на среќа е дозволено за лица со 18+ години. Играј одговорно!