Ибра: Играм скоро гратис за тој да зема поголема плата

Златан Ибрахимовиќ се врати на терените после 280 дена синоќа на мечот против Аталанта.

41-годишниот напаѓач после долгата пауза изјави дека е се уште во врвна форма и се чуствува одлучно.

„Многу ми недостигаа навивачите, им благодарам што ми дадоа сила, адреналин и мотив да продолжам. Без нивна поддршка ќе беше многу тешко. Не му се чувствувал толку добро во последните година и два месеци. Се чувствувам способен да го направам она што можам. Слободен сум да го правам тоа што го сакам. Направив два-три тренинзи и играв 15 минути, замислете што би можел да направам со повеќе тренинзи“, изјави Ибра.

На крајот Ибрахимовиќ беше прашан дали може да го убеди Леао да стави потпис на нов договор.

„Ја намалив платата за да му дадат него повеќе пари. Речиси играм бесплатно. Ако ја сака и мојата куќа, ќе му ја дадам“, одговори Ибра.