Ибрахимовиќ откри колку јазици зборува

Златан Ибрахимовиќ гостуваше во емисија на американската телевизија CBS и се пофали дека знае 5-6 јазици.

На овие простори привлече внимание со тоа што зборува „југословенски“; јазик што всушност никогаш не постоел под тоа име.

„Зборувам пет-шест јазици. Кога бев млад се преселив во Холандија, па научив холандски, а зборувам и шведски, англиски, југословенски, италијански и малку шпански“, вели Ибрахимовиќ.

Ибрахимовиќ е роден во Малме, неговиот татко Шефик е Бошњак, а неговата мајка Јурка е Хрватка. Во богатата клупска кариера, меѓу другите, настапуваше и за Ајакс, Јувентус, Интер, Барселона, Милан, ПСЖ и Манчестер Јунајтед.