Зидан предупредува: Сетете се на натпреварот против Јувентус

Реал во вчерашниот натпревар го победи Баерн со 2:1 во Минхен и си создаде солидна предност пред реваншот во Мадрид.

„Кралевите“ не беа на своето ниво. Баерн беше подобар во текот на целиот натпревар и имаа неколку одлични прилики, но не успеаа да постигнат повеќе од еден погодок. Грешките во нападот Реал ги казнуваше.

Зинедин Зидан секако беше задоволен од резултатот, но предупреди дека неговите играчи не смеат да се опуштат и да помислат дека ја завршиле работата.

„Ништо се уште не е готово. Сетете се на натпреварот против Јувентус. Во ова натпреварување не можете да кажете дека е нешто решено после првиот натпревар. Се мачевме на отваравањето на натпреварот. Не успевавме да ја изнесеме топката, но во продолжение бевме подобри. Не е лесно да се победи во Минхен и тоа сите го знаат. Поради тоа мораме да бидеме среќни со овој резултат, но исто така мораме и можеме да одиграме подобро во реваншот“, заврши Зидан.