Зидан нема дилема: Бензема е најдобар француски напаѓач на сите времиња

Карим Бензема го однесе Реал Мадрид до победа против Атлетик Билбао (3:1).

Кралевите тешко стигнаа до победата, иако имаа играч повеќе скоро цел натпревар, но на крајот пресуди Бензема со два гола во финишот.

Тренерот на Кралевите Зинедин Зидан после овој натпревар го нарече Бензема како најдобар француски напаѓач на сите времиња.

„Да, за мене е најдобриот француски напаѓач на сите времиња.“ – рече Зизу и додаде:

„Неговите бројки зборуваат сами за себе. Одигра повеќе од 500 натпревари, постигнува голови, а сега е комплетен играч за разлика од претходно. Не е тој чиста деветка, не размислува само за голови и затоа го обожавам.“

🗣 Zidane: "Benzema es el mejor delantero francés de la historia".

¿Coincides? ¡Te leemos en #FutbolTotalDIRECTV! pic.twitter.com/TEo3l5Gu1x

— DIRECTV Sports (@DIRECTVSports) December 15, 2020

Бензема е во дресот на Реал од 2009. година, кога пристигна од Лион. Одигра вкупно 529 натпревари и постигна 259 голови.