За нив двајца повеќе нема место на „Ноу Камп“ – заминуваат!

Во фудбалскиот свет со нетрпение се исчекува јануарскиот преоден рок во кој би можеле да видиме неколку посебно интересни трансфери.

Европските гиганти веќе ги разгледуваат опциите за преодниот рок, а многу клубови ќе го искористат да направат промени во играчкиот кадар. Шпанските медиуми наведуваат дека во Барселона одлучиле кого да продадат за да направат место во екипата.

Каталонски „Спорт“ пишува дека Мунир Ел Хадади одбил да го продолжи договорот и тој сигурно ќе го напушти „Ноу Камп“ во јануари за на лето да не замине како слободен играч без оштета.

https://www.youtube.com/watch?v=zJxriG6zde4

Покрај него место во Барселона повеќе нема изгледа за Денис Суарез кој едноставно се „изгуби“. Суарез и во текот на летото имаше неколку понуди, но одлучи да остане верувајќи дека ќе добие поголема минутажата. Сепак, тоа не се случи и наводно е ставен на трансфер листата.