Занети: Икарди мораше да биде на Мундијалот

Хавиер Занети одигра 143 натпревар за репрезентацијата на Аргентина и добро знае како е да се биде дел од селекцијата на „Гаучосите“.

Легендарниот Аргентинец е во Русија како потпретседател на Интер, а во разговор со аргентинските медиуми откри што мисли за одлуката на Икарди.

„Веќе кажав и претходно, ќе кажам и повторно. Мауро Икарди мораше да биде на Светското првенство. Зад себе имаше фантастична сезона во Интер и Сампаоли направи голема грешка што го изостави“, изјави Занети.

Аргентинците во четврток во 20:00 часот во Нижни Новоград ќе играат против Хрватска во натпревар кој едноставно не смеат да си дозволат да не го победат.

„Тој натпревар е голем тест за Сампаоли. Но Аргентина има одличен тим и треба да им се даде време бидејќи имаа тешко квалификации. Се промени и селекторот, па тешко е преку ноќ се да се смени“, додаде Занети.