Жиру и Џеко повторно цел на ист клуб: Англискиот клуб заинтересиран да доведе напаѓач

Напаѓачот на Челзи, Оливие Жиру би можел во јануарскиот трансфер период повторно да го промени клубот.

Интересно, францускиот напаѓач и минатиот јануари се одлучи на трансфер, а тогаш дресот на Арсенал го замени со овој на Челзи. Тогаш Челзи се двоумеше помеѓу него и Един Џеко, но на крајот сепак го доведе Французинот.

Интересно, тие двајца повторно се поврзуваат со ист клуб – Вест Хем. Откако што Италијанците вчера ја пренесоја информацијата дека Вест Хем наводно се интересира за Џеко, денеска британскиот „Daily Mirror“ пренесува дека на нивниот радар е и Жиру.

Се разбира, Џеко и Жиру се два многу слични напаѓачи, па не е и чудно што повторно се поврзуваат со ист клуб, но изгледа дека и во овој момент пораелна опција за Вест Хем е Французинот, со оглед на тоа што Џеко и нема причина да ја напушти Рома со која му оди добро и со која игра во Лигата на Шампионите.

Од другата страна, на Жиру не му оди баш најдобро во Челзи, иако често добива шанса за игра, но во досегашниот дел од сезоната се уште не успеа да се запише во листата на стрелците.