Еуфорија во Англија: Ветеранот Тим Кејхил веќе е во Лондон

Ветеранот кој има 38 години сака сериозна улога поради Мундијалот кој се игра наредното лето.

Легендарниот член на репрезентацијата на Австралија, Тим Кејхил е на чекор од враќање во англискиот фудбал.

Како што пренесуваа бројни медиуми во Австралија Кејхил веќе ја напуштил својата земја и се наоѓа во Лондон каде што наскоро би требало да ги договори последните детали од договорот со Милвол.

Во медиумите се појави и изјава на извор близок на Кејхил.

„Точно е, оди во Милвол. Кејхил веќе е во Англија. Договорот се уште не е потпишан, но ќе биде наскоро. Само доколку пристигне некоја посериозна понуда работите би можеле да се искомплицираат. Знаеме дека со настапите во Чемпиошип може да стигне до место во репрезентацијата за Мундијалот во Русија“.

Кејхил од декември е слободен фудбалер откако го напушти тимот на Мелбурн Сити. Уште една потврда дека подготвува нешто е и неговата објава на неговиот Твитер профил во која напиша: „Сконцентриран сум на следното поглвје“.

After leaving Melbourne City in December, it looks as if Tim Cahill could be coming to the club he started his career at, Millwall! pic.twitter.com/KgLxtTz5DI

— Football Transfers (@TransferBibIe) January 15, 2018