Емери ја сака младата ѕвезда на Баерн Минхен

Новиот менаџер на Арсенал, Унаи Емери веќе донесе пет нови засилувања на „Емирати“, но не мисли да застане.

Англиските меидуми пренесуваат дека следна трансфер цел на „топџиите“ е крилниот напаѓач на Баерн Минхен, Квинсли Коман.

Имено, Арсенал е спремен во наредните денови да испрати понуда од 50 милиони евра. Притоа, не е исклучено Коман сам да побара трансфер од раководството бидејќи Баварците и следната година ќе сметаат на ветераните Робен и Рибери.

Коман потпиша нов договор со Баерн во декември минатата година, а потоа пропушти голем дел од сезоната поради повреда.

Сепак, тешко е да се поверува дека германскиот клуб ќе му дозволи на Французинот да замине од Минхен, бидејќи во него гледа идеален наследник на Робен и му ветиле многу поголема минутажа оваа сезона.