„Ел Класико“ за ѕвездата на Ајакс

Како што пренесува каталонски „Спорт“, шпанските гиганти Реал Мадрид и Барселона се силно заинтересирани за играчот на Ајакс, Нусер Мазрауи.

Овој 24 годишен десен бек оваа сезона има 16 настапи за Ајакс во сите натпреварувања, а има и четири гола, како и три асистенции.

Неговиот договор со Ајакс истекува на крајот на сезоната, а тоа го прави интересен за многу европски гиганти.

Сепак, „Спорт“ пренесува дека главната битка за неговиот потпис ќе ја водат Реал Мадрид и Барселона, кои сакаат да го донесат уште во јануари.

Барселона го следи веќе подолго време десниот бек, но сега во траката за неговиот потпис се приклучи и Реал Мадрид.